Qazaqstan Respýblıkasy Ulttyq ekonomıka mınıstrliginiń buıryǵy №268 

  2016 jylǵy 17 maýsym ,Astana qalasy Kýrortologııa ǵylymı ortalyqtarynyń tabıǵı mıneraldy sýlardy paıdalanýǵa balneologııalyq qorytyndylar berý qaǵıdalaryn bekitý týraly «Tamaq ónimderiniń qaýipsizdigi týraly» 2007 jylǵy 21 shildedegi Qazaqstan Respýblıkasy Zańynyń 6-baby 2-tarmaǵynyń 14) tarmaqshasyna sáıkes buıyramyn: 1. Qosa berilip otyrǵan Kýrortologııa ǵylymı ortalyqtarynyń tabıǵı mıneraldy sýlardy paıdalanýǵa balneologııalyq qorytyndylar berý qaǵıdalary bekitilsin. 2. Qazaqstan Respýblıkasy Ulttyq ekonomıka mınıstrliginiń Tutynýshylardyń quqyqtaryn qorǵaý komıteti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesiniń baspa jáne elektrondyq túrde merzimdi baspa basylymdaryna jáne «Ádilet» aqparattyq-quqyqtyq júıesine resmı jarııalanýǵa, sondaı-aq tirkelgen buıryqty alǵan kúnnen bastap bes jumys kúni ishinde Qazaqstan Respýblıkasy normatıvtik quqyqtyq aktileriniń Etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberilýin; 3) osy buıryqtyń Qazaqstan Respýblıkasy Ulttyq ekonomıka mınıstrliginiń ınternet-resýrsynda ornalastyrylýyn; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdiń Qazaqstan Respýblıkasy Ulttyq ekonomıka mınıstrliginiń Zań departamentine usynylýyn qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Ulttyq ekonomıka vıse-mınıstrine júktelsin. 4. Osy buıryq alǵashqy resmı jarııalanǵan kúninen keıin kúntizbelik jıyrma bir kún ótken soń qoldanysqa engiziledi. Qazaqstan Respýblıkasy Ulttyq ekonomıka mınıstriniń mindetin atqarýshy M.QUSAIYNOV Qazaqstan Respýblıkasy Ulttyq ekonomıka mınıstriniń mindetin atqarýshynyń 2016 jylǵy 17 maýsymdaǵy №268 buıryǵymen bekitilgen Kýrortologııa ǵylymı ortalyqtarynyń tabıǵı mıneraldy sýlardy paıdalanýǵa balneologııalyq qorytyndylar berý qaǵıdalary Taraý 1. Jalpy erejeler 1. Osy Kýrortologııa ǵylymı ortalyqtarynyń tabıǵı mıneraldy sýlardy paıdalanýǵa balneologııalyq qorytyndylar berý qaǵıdalary (budan ári – Qaǵıdalar) «Tamaq ónimderiniń qaýipsizdigi týraly» 2007 jylǵy 21 shildedegi Qazaqstan Respýblıkasynyń Zańyna sáıkes ázirlendi jáne kýrortologııa ǵylymı ortalyqtarynyń tabıǵı mıneraldy sýlardy paıdalanýǵa balneologııalyq qorytyndylar berý tártibin aıqyndaıdy. 2. Qaǵıdalar Qazaqstan Respýblıkasynyń aýmaǵynda óndiriletin emdik jáne emdik-ashanalyq tabıǵı mıneraldy sýlarǵa (budan ári – emdik sýlar), Qazaqstan Respýblıkasynyń aýmaǵyna ımporttalatyn emdik sýlarǵa qoldanylady jáne vedomctvolyq tıistiligi men menshik nysanyna qaramastan, emdik sýlardy óndirýmen jáne (nemese) ótkizýmen aınalysatyn jeke jáne zańdy tulǵalarǵa balneologııalyq qorytyndylar berýdi júzege asyratyn kýrortologııa ǵylymı ortalyqtaryna arnalǵan. 3. Qaǵıdalar aýyz sýlarǵa qoldanylmaıdy. 4. Osy Qaǵıdalarda paıdalanylatyn termınder men anyqtamalar: 1) balneologııalyq qorytyndy –kýrortologııa ǵylymı ortalyqtary beretin tabıǵı emdik resýrstardyń quramy men qasıetterin medısınalyq-bıologııalyq, organo­leptıkalyq, mıkrobıologııalyq, sanıtarııalyq-hımııalyq, toksıkologııalyq, radıologııalyq zertteýler negizinde olardy emdeý, medısınalyq ońaltý jáne aýrýlardyń aldyn alý maqsatynda paıdalaný múmkindigi týraly qujat; 2) tapsyrys berýshi – sý kózine balneologııalyq qory­tyndylardy alý úshin kýrortologııa ǵylymı ortalyqtaryna bastamashylyq tártippen júgingen, ony qarjylandyrýdy júzege asyratyn, sondaı-aq osy Qaǵıdalarda belgilengen tártippen qajetti qujattamalardy usynatyn jeke jáne (nemese) zańdy tulǵalar. Taraý 2. Balneologııalyq qorytyndylar berý tártibi 5. Emdik sýlardy paıdalanýǵa balneologııalyq qorytyn­dylar berý jeke jáne zańdy tulǵalardyń ótinishteri boıynsha sýdyń emdik qasıetterin medısınalyq-bıologııa­lyq baǵalaý, emdik sýdyń organoleptıkalyq, mıkrobıo­lo­gııalyq, sanıtarııalyq-hımııalyq, toksıkologııalyq jáne radıologııalyq kórsetkishterine sanıtarııalyq-epıdemıo­logııalyq saraptamanyń oń nátıjeleri negizinde júrgiziledi. Emdik sýlardy medısınalyq-bıologııalyq baǵalaý klınıkaǵa deıingi jáne klınıkalyq zertteýlerdi júzege asyratyn mamandandyrylǵan ǵylymı mekemelerdiń jáne (nemese) uıymdardyń bazalarynda oryndalǵan klınıkaǵa deıingi jáne klınıkalyq zertteýlerdiń nátıjeleri boıynsha beriledi. 6. Emdik sýlardy paıdalanýǵa balneologııalyq qory­tyn­dylar berýdi osy Qaǵıdalarda aıqyndalatyn tártippen kýrortologııa ǵylymı ortalyqtary (budan ári – Oryndaýshy) júzege asyrady. 7. Balneologııalyq qorytyndylardy alý úshin tapsyrys berýshi Oryndaýshyǵa mynadaı qujattardy: 1) emdik sýdy paıdalanýdyń negizgi maqsaty kórsetile otyryp, erkin nysanda jazylǵan ótinishti; 2) paıdalaný uńǵymasyna gıdrogeologııalyq pasportty; 3) sý tutqysh qabatynyń tereńdigin, sýdyń moldyǵyn (paıdalanylatyn qorlardy) kórsete otyryp, jerasty sýlarynyń gıdrodınamıkalyq jáne gıdrohımııalyq rejımin sıpattaı, sanıtarııalyq qorǵanysh aımaqtaryn esepteı jáne negizdeı otyryp, emdik nemese emdik-ashanalyq tabıǵı mıneraldy sýlardyń gıdrogeologııalyq jaǵdaılary týraly málimetterdi; 4) emdik sýdyń organoleptıkalyq, mıkrobıologııalyq, sanıtarııalyq-hımııalyq, toksıkologııalyq jáne radıa­sııalyq kórsetkishterine sanıtarııalyq-epıdemıologııalyq saraptama nátıjelerin; 5) klınıkalyq bazanyń basshysy, jaýapty Oryndaýshy qol qoıǵan jáne uıymnyń mórimen rastalǵan emdik sýdy medısınalyq-bıologııalyq baǵalaý boıynsha ǵylymı-zertteý jumysy týraly esepti; 6) «Mıneraldy tabıǵı emdik-ashanalyq aýyz sýy jáne emdik sýlar. Jalpy tehnıkalyq sharttar» QR ST 452-2002 Qazaqstan Respýblıkasynyń memlekettik standartyna sáıkes tehnologııalyq nusqaýlyqty; 7) jer qoınaýyn paıdalaný boıynsha operasııalar júrgizýge arnalǵan kelisimsharttyń nemese emdik sýlardyń ken oryndarynda arnaıy sý paıdalanýǵa arnalǵan ruqsattyń kóshirmesin; 8) eger tapsyrys berýshi jer qoınaýyn paıdalanýshy bolyp tabylmaǵan jaǵdaıda, qaıtalama sý paıdalanýǵa arnalǵan shartty; 9) halyqtyń sanıtarııalyq-epıdemıologııalyq sala­mattylyǵy salasyndaǵy memlekettik organ vedomstvosynyń aýmaqtyq bólimshesi bergen ken oryndarynyń sanıtarııalyq qorǵanysh aımaqtary aýmaqtarynyń sanıtarııalyq-epıdemıologııalyq jaı-kúıi týraly qorytyndyny jiberedi. 8. Tapsyrys berýshiniń emdik sýlardyń ken oryndary, sýdyń sapasy men qasıetteri týraly qosymsha málimet­ter berýi qajet bolǵan jaǵdaıda, Oryndaýshy tapsyrys berýshige aldyn ala berilgen balneologııalyq qorytyndy­lar derekterimen tanysýǵa múmkindik beredi. 9. Osy Qaǵıdalardyń 7-tarmaǵynda kórsetilgen qujattardyń toptamasyn tolyq usynbaý olardy 5 jumys kúni ishinde Tapsyrys berýshige pysyqtaýǵa qaıtarý úshin negiz bolyp tabylady. 10. Usynylǵan materıaldar negizinde Oryndaýshy tap­syr­­­malardyń talaptaryna jáne júrgizý merzimderine sáıkes oǵan berilgen saraptama obektilerin zerdeleıdi jáne baǵalaıdy. 11. Balneologııalyq qorytyndylarda: jerasty nemese jerústi kózderiniń (uńǵymanyń, bulaqtyń, sý aıdy­nynyń) nómiri nemese aty; ken oryndarynyń aty jáne kózderdiń ornalasqan jeri; olardyń negizinde qorytyndy jasalǵan qujattar men zertteýlerdiń tizbesi; emdik sýlar kózderiniń gıdrogeologııalyq jaǵdaılary, sý tutqysh qabatynyń tereńdigi, sý syıdyratyn jynystardyń lıtologııalyq quramy týraly qysqasha aqparat; kózdiń kaptajy, sýdy kóterý quraldary, sýdy óndirýdiń jáne óńdeýdiń tehnologııalyq shemasy týraly málimetter; negizgi ıondyq quramyn jáne quramyndaǵy bıologııalyq belsendi elementterdi kórsete otyryp, sýdyń hımııalyq quramy týraly málimetter; sýdyń balneologııalyq tobyn jáne gıdrohımııalyq tıpine arnalǵan nusqaý; Aýrýlardyń halyqaralyq jiktemesine (AHJ-10) sáıkes medısınalyq kórsetilimder jáne qarsy kórsetilimder, eger mundaılar belgilense janama áserler; ártúrli aýrýlardy emdeý kezinde sýdy qoldaný ádistemesi; sýdy ishke nemese syrtqa qoldaný kezinde emdeýdiń saralanǵan ádistemelerin ázirleýge arnalǵan nusqaýlar qamtylady. 12. Qujattardy jáne úlgilerdi qaraý nátıjeleri boıynsha Oryndaýshy tapsyrys berýshige balneologııalyq qorytyndylar beredi, materıaldardy pysyqtaýǵa qaıtarady nemese sýdyń balneologııalyq qasıetteriniń joq ekendigi týraly dáleldi jaýap jiberedi. 13. Mynadaı: 1) tapsyrys berýshi anyq emes málimetter usynǵan; 2) tapsyrys berýshi emdik sýlardyń qaýipsizdigin aıqyndaý jáne ony medısınalyq-bıologııalyq baǵalaý úshin qajetti synaqtardy júrgizýden bas tartqan; 3) emdik sýlardyń sanıtarııalyq-epıdemıologııalyq saraptamasynyń nátıjeleri boıynsha qaýipsizdik kórsetkishteri sáıkes kelmegen jáne (nemese) sýdyń emdik qasıetteri bolmaǵan; 4) eger emdik sýlarǵa jáne ony daıyndaý jaǵdaılaryna qatysty qaýipsizdik talaptary belgilenbegen, emdik sýda jáne qorshaǵan ortada qaýipti faktorlardy aıqyndaý jáne ólsheý ádistemeleri bolmaǵan; 5) emdik sýlardy óndirý, qoldaný (paıdalaný) kezinde olardyń adam densaýlyǵyna zııandy áserin boldyrmaý jóninde tıimdi sharalar bolmaǵan nemese bul sharalar qamtamasyz etile almaǵan jaǵdaılarda balneologııalyq qorytyndylar berilmeıdi. 14. Oryndaýshy bergen balneologııalyq qoryty­n­dylardy tirkeý osy Qaǵıdalarǵa qosymshaǵa sáıkes nysan boıynsha balneologııalyq qorytyndylardy tirkeý jýrnalynda júrgiziledi. 15. Balneologııalyq qorytyndylar ydystarǵa quıyl­ǵandardy qosa alǵanda, ishke qoldanýǵa arnalǵan emdik sýlarǵa 5 jyl, saýyqtyrý uıymdarynda (saýyqtyrý orynda­rynda, sanatorıılerde, kýrorttarda) paıdalanylatyn syrtqa qoldanýǵa arnalǵan emdik sýlarǵa 10 jyl merzimge beriledi. Balneologııalyq qorytyndylardyń qoldanylý merzimi aıaqtal­ǵannan keıin jáne qyzmetin jalǵastyrǵan jaǵdaı­da, tapsyrys berýshi osy Qaǵıdalardyń 7-tarmaǵynda kórse­tilgen qujattardy usyna otyryp, qorytyndyny uzartýǵa ótinish beredi. 16. Emdik sýlardy paıdalanýǵa balneologııalyq qory­tyndy berý jáne ony uzartý úshin Oryndaýshynyń qujattardy qaraý merzimi qujattar kelip túsken kúnnen bastap bir aıdan aspaıdy. Osy Qaǵıdalardyń 8-tarmaǵynda kózdelgen jaǵ­daılarda, qaraý merzimi uzartylady, biraq úsh aıdan aspaıdy. 17. Qaıtadan qaraý kezinde balneologııalyq qorytyn­dy­lar berý merzimi Oryndaýshyǵa qujattardy tapsyrǵan kún­nen bastap 15 jumys kúninen aspaıtyn merzimge belgilenedi. 18. Balneologııalyq qorytyndylardyń qoldanylýyn tutynýshylarǵa ótkiziletin ónimder men kórsetiletin qyzmetter boıynsha, sondaı-aq tamaq ónimderiniń qaýipsizdigi salasyndaǵy tehnıkalyq reglamentterde jáne normatıvtik qujattarda belgilengen talaptardyń saqtalýyn baqylaý jáne qadaǵalaý fýnksııalaryn júzege asyratyn halyqtyń sanıtarııalyq-epıdemıologııalyq salamattylyǵy salasyndaǵy memlekettik organnyń vedomstvosy mynadaı: 1) emdik sýdy óndirý nemese qoldaný kezinde onyń keri jáne (nemese) janama áserleri, buryn málim bolmaǵan qaýipti qasıetteri týraly qosymsha málimetter alǵan; 2) tapsyrys berýshi sanıtarııalyq-epıdemıologııalyq normalaýdyń memlekettik júıesiniń qujattarynda kózdelgen talaptardy buzǵan jaǵdaılarda, onyń iske asyrylý satysynda 6 aıǵa deıingi merzimge toqtata turady. Kýrortologııa ǵylymı ortalyqtarynyń tabıǵı mıneraldy sýlardy paıdalanýǵa balneologııalyq qorytyndylar berý qaǵıdalaryna qosymsha Nysan Balneologııalyq qorytyndylardy tirkeý jýrnaly r/s № blanktiń № ótinishti qabyldaý kúni kimge berildi mekenjaıy qorytyndynyń mazmuny qorytyndyny berý kúni 1 2 3 4 5 6 7 Buıryq Qazaqstan Respýblıkasynyń Ádilet mınıstrliginde 2016 jylǵy 22 shildede Normatıvtik quqyqtyq kesimderdi memlekettik tirkeýdiń tizilimine №13965 bolyp engizildi.